Azərbaycan Tibb Universitetinin tələbələri təqaüdlərini ala bilmir.
Bu barədə adı çəkilən universitetin tələbələri məlumat veriblər. Məlumata görə, noyabr və dekabr aylarının təqaüdləri verilmir. Məsələ ilə bağlıAzərbaycan Tibb Universiteti ilə əlaqə saxladıq. Universtitetin mətbuat katibi Günel Aslanova bildirdi ki, büdcəyə pul ayrılmadığından hazırda bu problem yaşanır:
"Noyabr ayının təqaüdləri verilməyib. Çünki Təhsil Nazirliyi tələbə maliyyə büdcəsinə vəsait ayırmayıb. Amma ehtimal edirik ki, ilin sonuna noyabr və dekabr ayı üçün təqaüdlərin verilməsi bərpa ediləcək”. (Qaynarinfo.Az)
