Gürcüstanın Antiterror Mərkəzinin eks-sədri Zurab Maysuradze azadlığa buraxılıb.
Axar.az xəbər verir ki, bu barədə informasiyanı Litva prokurorluğu yayıb.
Qeyd edək ki, Maysuradze dekabrın 3-də Litvada həbs edilib. Onun həbs edilməsinə səbəb Rusiyanın Litva hüquq mühafizə orqanlarına müraciəti olub. Vilnüs Məhkəməsi Maysuradzenin 10 sutkalıq həbsinə izn versə də, sonradan bu qərar dəyişdirilib.
Moskva Maysuradzeni beynəlxalq axtarışa verib. O, terror fəaliyyətində iştirakda ittiham edilir. Moskvanın iddiasına görə, məhz bu şəxs məşhur terrorçu Əhməd Çatayevi öz agenti edib.
