Donald Trump deyib ki, Hillary Clintonun 3 ştatda səslərin yenidən sayılması cəhdlərinə qoşulması onu məyus edir.
Trump bunu noyabrın 27-də Twitterdə yazıb. Bir gün əvvəl isə Hillary Clintonun seçki kampaniyası Viskonsin ştatında səslərin yenidən sayılmasında iştirak edəcəyini bildirdi.
Viskonsin ştatının seçki şurası noyabarın 25-də Yaşıllar partiyasının prezidentliyə namizədi olmuş Jill Steinin səslərin yenidən sayılması müraciətini qəbul etdi. Stein bildirir ki, Viskonsində "statistik anomaliya” var.
Noyabrın 8-dəki prezident seçkilərində Clinton Trumpdan demək olar ki, 2 milyon səs çox toplayıb. Ancaq prezidenti Seçki Kollegiyası seçir. Seçki Kollegiyasında Trumpın 290 seçici səsi var, Clintonun 232.
Bura Miçiqan ştataında seçkinin nəticəsi daxil deyil.
Miçiqan seçkinin nəticəsini noyabrın 28-də elan edəcək.
Əgər Clinton Miçiqan da udsa,Viskonsin və Pensilvaniyada isə səslərin yenidən sayılmasında qalib gəlsə, onda Seçici Kollegiyasında üstünlük Clintona keçəcək.