Suriya ordusunun əsgərləri Suriyanın Lazkiyə şəhərinin şimalında yerləşən Türkmən dağı bölgəsində müxaliflərə aid mövqelərə qarşı hücuma keçib.
Avropa.info türk mediasına istinadən xəbər verir ki, günün ilk yarısından başlayan hücumun ilk anlarında rejimə məxsus topçu batareyaları Sarraf , Ayn İsa, Kələz kəndləri ilə cəbhə xəttinin arxasında yerləşən Yamadı və Sallur kəndlərini intensiv atəşə tutub.
Sarraf bölgəsində müxaliflər tərəfindən yerləşdirilmiş minaların partlaması nəticəsində ən azı 8 Əsəd əsgəri ölüb. Tuffahiyədə isə müxaliflərin qarşılıq verməsi nəticəsində 10 rejim əsgərinin öldürüldüyü qeyd edilir.
Hazırda bölgədə ciddi qarşıdurma baş verdiyi bildirilir. Rejim əsgərlərinə qarşı türkmən qrupların, Feylakuş Şam, Ahraruş Şam və Sahil Diviziyası müxalif qruplaşmalarının vuruşduğu qeyd edilir.