Türkiyədə hərbi çevrilişə cəhd etmiş FETÖ terror təşkilatının xaricdəki rəhbərliyi və dəstəkçiləri deşifrə edilib. Təşkilatın adları bilinən 14 nəfərlik xarici dəstəkçilərinin sayını 11-ə endirdiyi məlum olub. Yeni idarə heyətinə Naci Tosun, Reşit Haylamaz, Mustafa Yeşil, Sadık Kesmeci, İrfan Yılmaz kimi adlar əlavə edilib. Etibarlı mənbədən verilən məlumata görə, deşifrə olunan FETÖ-çülərin vəzifələri dəyişdirilib. Təşkilata yaxın olan "Türkiyə İmamı” kimi tanınan Mustafa Özcanın rəhbərlik etdiyi quruma Naci Tosun, Reşit Haylamaz, Mustafa Yeşil, Sadık Kesmeci, İrfan Yılmaz əlavə edilib.
İsmail Büyükçələbi FETÖ-nün Amerika üzrə, Abdulla Aymaz isə Avropa üzrə məsul rəhbəri təyin edilib.
Terrorçu olaraq axtarışda olan Abdullah Aymaz təşkilatın Almaniyada fəaliyyət göstərən rəhbərləri arasında yer alıb. Onun hansı ölkədə yaşadığı bilinmir.
Etibarlı mənbənin məlumatına görə, 30 Avropa ölkəsində şəbəkələnmiş FETÖ-nün Almaniyada rəhbərləri Hayrettin Özkul, İngiltərdə Adnan Azov, Fransada Hüseyn Karakuş, Belçikada Davut Yalçındır.
20 Asiya ölkəsində yayılmış terror təşkilatının İsraildə ali icraçısı Harun Tokak, Səudiyyə Ərəbistanında Mevlüt Boztaş, Yaponiyada Mustafa Arslan, Çində Levent Oğuz, Pakistanda Ünal Toşurdur.
Terrorçu olaraq axtarılanlar siyahısında "yaşıl kateqoriya”da olan "İsrail imamı" Harun Tokak FETÖ-PYD maliyyə əlaqələri üzrə açılmış cinayət işində ittiham edilən iki suçludan biridir.
FETÖ-nün Cənubi Amerikadakı strukturu da deşifrə edilib. Bəlli olub ki, FETÖ-nü Kolumbiyada Yunus Yaman, Venesuelada Eyyup Mahmud Günel, Braziliyada Həmdullah Bayram Öztürk, Çilidə Sədi Şen, Argentinada Mustafa Eker təmsil edirmişlər. İsmayıl Büyükçelebi terror təşkilatının ABŞ, İsmayıl Nazlı Kanada, Osman Karaca Meksika, Mehmet Ünalan isə Dominikan Respublikası üzrə rəhbərləri imiş. Qırmızı xətt terrorçu axtarış siyahısında olan İ. Büyükçələbi 1997-ci ildə FETÖ-nün Çin rəhbərliyində olub. 2010-cu ildən ABŞ rəhbəriyinə gətirilib.
Terrorçu təşkilatın 20 Afrika ölkəsində məsulu var. FETÖ-nün Misir üzrə ali icraçısı Orhan Keskin, Liviya üzrə Nurettin Kaya, Tunis üzrə Ali Kökdən, Əlcəzair üzrə Həmid Olqun olmuşlar.FETÖ Malayziya, Sinqapur, Tayvan, Honq Konq, Vyetnam, Filippin, İndoneziya, Laos, Papua Yeni Qvineya kimi Asiya Sakit okean ölkələrində, o cümlədən Avstraliyada da fəaliyyət göstərir.
Axtarışda olan FETÖ terrorçuları "Türkiyədə dövlət çevrilişinə təşəbbüs”, "Konsititusiyalı quruluşu devirməyə cəhd”, "Gizli məlumatların causuluq məqsədilə istifadəsi”, "Dini inanclardan istismarı məqsədilə fırıldaqçılıq" və digər cinayətlərdə ittiham edilir.
Terrorçu olaraq axtarılanlar qırmızı, mavi, yaşıl, narıncı və boz siyahı olmaqla 5 kateqoriya bölünür. Adları çəkilənlər barədə dövlətə məlumat verənlərə mükafat vəd edilir. "Qırmızı siyahı”dakı adlar üçün 4 milyon, "Mavi siyahı”dakı adlar üçün 1 milyon yarım, "Yaşıl siyahı”dakıları üçün 1 milyon, "Narıncı siyahı”dakıları üçün 600 min, "Boz siyahı”dakıları üçün isə 300 min lirə mükafat veriləcək.
Fuad,cebhe.info