Böyük Britaniya Qərb demokratiyası tarixində ən güclü izləməni leqallaşdırdı.
Axar.az xəbər verir ki, bu barədə informasiyanı öz Tvitter səhifəsində ABŞ Milli Təhlükəsizlik Agentliyinin keçmiş agenti Edvard Snouden paylaşıb. Onun sözlərinə görə, bu izləmələr bir çox avtokratiyalardan daha güclü olacaq.
Qeyd edək ki, Britaniya parlamenti xüsusi xidmət orqanlarının internet və digər sahələrdə izləmə aparmaq səlahiyyətlərini artırıb. Yeni qaydaya əsasən, internet, telekommunikasiya şirkətləri, həmçinin mobil operatorlar bir il ərzində öz şəbəkələrində olan müştərilərin fəaliyyətləri haqqında informasiyanı saxlamağa borcludurlar. Bu informasiyalarla xüsusi xidmət orqanları istənilən zaman tanış ola bilərlər. Bu məlumatlar kompüterlər, planşetlər, noutbuklar və smartfonlardan toplanılacaq.