Təbrikdə deyilir:
"Əziz həmvətənlər!
Hörmətli Xanımlar və Bəylər!
Sizləri Xalqımızın şanlı tarixi - 17 noyabr Dirçəliş Günü münasibəti ilə təbrik edirəm! Torpaqlarımızın, Vətənimizin Bütövlüyü, Azadlığı və Müstəqilliyi yolunda şəhid olanlara ALLAHdan rəhmət diləyirəm. Qazilərimizə can sağlığı, Bütöv Azərbaycan vətəndaşı olmağı arzulayıram!
Əsrlərlə davam edən çar-sovet rus işğalından qurtulmaq Azərbaycan insanının ən mühüm arzu - niyyəti idi. İSTİQLALımıza qovuşmağın başlanğıcı olan, 17 noyabr - Milli, Dini və Dövlət Bayramlarımızın əsasının qoyulduğu və reallaşdırılmasının başlandığı gündür. Bu gün, şəhidlərimizin qanı, millət böyüklərinin fədakar mübarizliyi və dövlət düşüncəsinin nəticəsidir.
17 noyabrdan başlanan Milli Dirçəliş - Azərbaycanın Dövlət Müstəqilliyinin bərpası ilə nəticələndi. İnşallah, Bütöv, Demokratik, Azad Azərbaycanda yaşamaq hər birimizin nəsibi olsun.
Şəhidlərin qanını yerdə qoymayaq!
Qazimizə sahib duraq!
Bayramınız mübarək olsun!"
Uluyol.info