Futbol o qədər inkişaf edib ki, artıq futbolçuların qazandığı pullar inanılmaz rəqəmlərə çatıb. "Real Madrid”in Qaret Beyl üçün verdiyi 100 milyon avro bunun ən gözəl nümunəsidir. Futbolçulara ödənən ödənişlərin artmasını da qeyd etmək lazımdır.
Bəzi futbolçular ödənilən pulları görən kimi "Mən peşəkaram, aldığım pula baxıram" deyib, rahatlıqla digər komandaya keçə bilirlər.
Bu gün sizlərə təqdim edəcəyimiz siyahıdakı futbolçular isə, yalnız bir komandaya sadiq qalaraq, karyeralarını həmin klubda bitiriblər. Qeyd edək ki, bu siyahıda belə futbolçuların yalnız bir qismi yer alır.
Françesko Totti - "Roma”
Bu siyahının qətiliklə 1 nömrəsi Françesco Tottidir. 20 ildir tərlətdiyi "Roma" formasını yüzlərlə təklifləri, milyon avroları rədd edərək əynindən çıxarmayıb. 2010-cu ildə "Golden Foot” (Qızıl Ayaq) mükafatını da qazanan ulduz oyunçu, karyerasına 230-dan çox qol sığdıraraq klub tarixinə keçib. "Roma" klubu da 37 yaşlı Tottini 40 yaşına qədər komandada tutacaq yeni müqavilə imzalayaraq onun sədaqətini mükafatlandırıb.
Steven Gerrard - "Liverpul”
Bir dəfə FIFA-nın ilin futbolçusu mükafatı laureatı, 3 dəfə İngiltərənin ən qiymətli futbolçusu seçilmiş, UEFA və Çempionlar Liqası kubokunu qaldırmış bir "Liverpul" əfsanəsi... Komandası ilə 450-dən çox matça çıxan kapitan, 1998-ci ildən 2015-ci ilə qədər "Liverpul" forması deyinib. Hazırda isə "Los Angeles Galaxy"də top qovsa da, hər kəs onu ancaq "Liverpul"lu Gerrard kimi tanıyır.
Paolo Maldini - "Milan”
41 yaşında karyerasını başa vuran Maldini... "Milanda" düz 25 il forma geyən və bu müddətdə 877 matça çıxan Maldininin milli komanda karyeri də əlavə olunduğunda 1000-dən çox matça çıxıb. Maldini və "Milan" hekayəsini daha maraqlı hala gətirəcək bir başqa məsələ isə, atası Cesarenin və oğlu Kristianın da "Milan" forması geymiş olmasıdır.
Ryan Giggs - "Mançester Yunayted”
"Mançester Siti"nin gənc heyətində oynayarkən Aleks Ferqusonun evinə qədər gedib razı saldığı futbolçu 1990-ci ildə başlayan "Mançester Yunayted" karyerində 24 ilini tamamlayıb. Bu müddət ərzində o, 34 mükafat qazanıb. 13 dəfə İngiltərə çempionu, 4 dəfə İngiltərə Kubokunu və 9 dəfə Super Kubokonu, 2 dəfə Çempionlar Liqasını qazanan Giggs, "Mançester Yunayted”in heyətində rəsmi oyunlarda ən çox meydana çıxan futbolçudur.
Cüneyt Tanman - "Qalatasaray”
Libero, sol qanad, orta sahə və hücumçu olmaq üzrə bir-birindən əlaqəsiz 4 ayrı mövqedə forma geyən "Qalatasaray" əfsanəsi, 17 il tərlətdiyi sarı-qırmızılı forma altında 375 matça çıxıb və 39 da qol vurub.
Müjdat Yetkiner - "Fənərbaxça”
"Fənərbaxça" tarixinin ən uzun müddət forma geyən futbolçuları arasında olan Müjdat Yetkiner, sarı-göy forma ilə 429 matça çıxıb. 26 dəfə də milli komanda forması geyən Yetkiner, 15 ilin ardından 1995-ci ildə futbol karyerasını bitirib.
Paul Skols - "Mançester Yunayted”
2012-ci ildə futbol həyatına son verən Paul Skols, Aleks Ferqusonun israrları üzərinə futbola geri dönüb və komandasının çempionluğunda əhəmiyyətli rol oynayıb. Yarım qalan təqaüdçülüyünü 2013-cü ilin ortalarında tamamlayan Skols, klubu adına 499 matça çıxıb və 107 qol vurmağı bacarıb.
Sabri Sarıoğlu - "Qalatasaray”
Luçeskunun 17 yaşındaykən əsas komandaya çıxardığı Sabri, bəlkə də möhtəşəm bir oyun sərgiləmir, amma könüllərdə taxt qurmağı bacarıb. 1999-cu ildən bəri "Qalatasaray" forması geyinən Sabri, bu müddət ərzində əsas heyətdə 454, ümumilikdə isə 515-dən çox rəsmi matça çıxıb və 13 qol vurub. //musavat.com//