Türkiyənin Ankara və İstanbul şəhərlərində HDP-çilərin həbsinə etiraz etmək üçün aksiyalar təşkil olunub.
Axar.az xəbər verir ki, kürd partiyasına yaxın Ankara Əmək və Demokratik Qüvvələri adlı həmkarlar ittifaqı paytaxtın Yüksəl küçəsinə toplaşıb. İnsan Haqları heykəli önündə toplaşan HDP tərəfdarları dövlət əleyhinə şüarlar səsləndiriblər. Ankara Valiliyi 30 noyabra qədər paytaxtda toplantı, mitinq, etiraz nümayişi keçirməyi qadağan etdiyindən polis nümayişi dağıdıb.
HDP-çilərin həbsinə etiraz etmək üçün İstanbulun Əsənyurd meydanında da aksiya təşkil olunub. Təxminən 100 nəfərlik qrup günorta saatlarında meydanda nümayiş keçirmək istəsə də, polis buna imkan verməyib.
Hər iki etiraz aksiyasında həbs edilən olmayıb.
