2016-cı ildə Aralıq dənizi ilə Avropa ölkələrinə 335 mindən çox qaçqın və mühacir gəlib. Novator.az-ın məlumatına görə, Beynəlxalq Miqrasiya Təşkilatı noyabrın 4-də belə hesabat yayıb.
Təşkilat bəyan edib ki, noyabrın 2-nə qədər Avropa 335 min 31 qaçqın qəbul edib. Ən çox köçkün qəbul edən ölkə Yunanıstan (170 min nəfər) və İtaliyadır (158 min nəfər).
Hesabata görə, bu ilin əvvəlindən Aralıq dənizində 4220 nəfər həlak olub və ya itkin düşüb.
Aralıq dənizində ən təhlükəli miqrasiya marşrutu Şimali Afrikadan İtaliyaya gedən yoldur. Bu marşrut 3743 nəfərin həyatına son qoyub. Türkiyədən Yunanıstana gedən dəniz yolunda ilin əvvəlindən 415 nəfər həlak olub.
2016-cı ildə Aralıq dənizində həlak olan mühacir və qaçqınların sayı ötən ilin müvafiq dövrü ilə müqayisədə 725 nəfər çoxdur.
