ABŞ-ın Ankaradakı səfirliyi HDP həmsədrləri barəsində çıxarılan həbs qərarı ilə bağlı bəyanat yayıb.
Axar.az xəbər verir ki, ABŞ Dövlət katibinin müavini Tom Malinovskinin məsələ ilə bağlı bəyanatı səfirliyin Tvitter hesabında yayımlanıb:
"Türkiyə hökumətinin HDP liderlərini və digər şəxsləri həbs etməsi, internetə girişə əngəl yaratması dost və müttəfiq olaraq bizi dərindən narahat etdi".
Qeyd edək ki, bu gün HDP həmsədrləri də daxil olmaqla 12 deputat polis tərəfindən saxlanılıb. İmam Daşçıər və Ziya Pir isə sərbəst buraxılıb.
