Türkiyə prezidenti Rəcəb Tayyib Ərdoğan Prezident Sarayında MHP sədri Dövlət Baxçalını qəbul edib.
"Qafqazinfo"nun verdiyi məlumata görə, Baxçalı görüşə əlində sənədlərdən ibarət faylla gəlib və onu Ərdoğana təhvil verib.
Görüş təxminən 1 saat davam edib.
Türkiyə KİV-də yer alan məlumatlara əsasən, görüş təşəbbüsü Ərdoğan tərəfindən gəlib. O, Konstitusiyada ediləcək dəyişikliyə görə Baxçalıdan da dəstək görmək istəyib. Deyilənə görə, əgər bu dəstəyi gösməsə, layihə TBMM-ə təqdim olunmayacaq.
Ekspertlərin fikrincə, Türkiyə prezidenti bir növ, bu görüşlə MHP sədrinin fikirlərini öyrənmək istəyib.
