Ankara Baş Prokurorluğunda 15 iyul dövlət çevrilişinə cəhdlə bağlı aparılan istintaq işində yeni təfərrüatlar meydana çıxıb.
Axar.az xəbər verir ki, çevrilişə cəhdin əsas təşkilatçılarından biri Adil Öksüz cari ildə 4 dəfə ABŞ-a səfər edib.
Bu səfərlər zamanı onu hazırda həbsdə olan Qaynaq kağız ASC-nin rəhbəri Kamal Batmaz müşayiət edib.
Xainlərin sonuncu səfəri çevrilişə cəhddən 4 gün əvvəl – 11 iyulda olub. 3 gün ABŞ-da qalan A.Öksüz və K.Batmaz 13 iyulda ölkəyə geri qayıdıblar.
Bu arada Ankara Baş Prokurorluğu çevrilişə hazırlıq toplantılarının keçirildiyi evləri kirələyən, A.Öksüzlə birgə mart və iyun aylarında ABŞ-a gedən 12 nəfər barəsində axtarış elan edib. Şübhəlilərdən 6-sı həbs edilib.