Rusiya Krımı NATO gəmilərinin Sevastopolda özlərinə yer edəcəklərindən qorxduğu üçün anneksiya edib.
Axar.az xəbər verir ki, bunu İsveçrə mətbuatına müsahibəsində Rusiya Federasiya Şurasının sədri Valentina Matvienko söyləyib.
Onun sözlərinə görə, Rusiya NATO-nun Krımda özünə yer etməsinə heç vaxt imkan verə bilməzdi:
"Ukrayna 2014-cü ildə artıq NATO-ya qoşulmaq istədiyini bəyan etmişdi. O zaman Alyans bizə Ukraynanın NATO-dan kənar qalacağına dair zəmanət verməmişdi. Nəticədə bir neçə aydan sonra NATO gəmiləri Sevastopoldakı limanlarımız qarşısında peyda oldular. Rusiya buna imkan verə bilməzdi”.
Qeyd edək ki, Krım 2014-cü ilin martında Rusiya tərəfindən anneksiya edilib.
