Nizami rayonu, Elşən Musayev küçəsi 148 ünvanında yaşayan məcburi köçkün ailələri acınacaqlı durumdadır. Bu ailələr 20 ildən çoxdur ki, kiçik daxmalarda ömür sürürlər. Taxtadan, kartondan düzəltdikləri daxmaların taxtaları köhnəldiyindən qəzalı duruma düşüb. Palçıqlı yollar, ensiz küçələr, bir-birinə dolaşan elektrik xəttləri, binanın üzərini hörümçək toru kimi sarmış su vəkanalizasiya boruları əhalinin çətin vəziyyətindən xəbər verir. Binanın ətrafı xarabalığı xatırladır.
Musavat.com-un müxbiri adıçəkilən ərazidə olub və məcburi köçkün ailələrinin gileyini dinləyib.
Sakinlər bildirirlər ki, son iki gündür yağan yağışlar ərazini bataqlığa çevirib, axan sel suları evlərinin içinə dolur. Dəfələrlə bununla bağlı aidiyyatı qurumlara müraciət etsələr də, heç kim onların problemləri ilə maraqlanmayıb.
Əməkdaşımızın hazırladığı videomaterialı təqdim edirik.
Məğrur Mərd
Fotolar və video müəllifindir
