Azərbaycanın müstəqilliyi haqqında Konstitusiya Aktının qəbul olunmasından 25 il keçir.
Bu münasibətlə bu saatlarda İstiqlalçı millət vəkillərinin iştirakı ilə "Park Inn” otelində tədbir keçirilir.
Tədbiri İstiqlalçı Millət Vəkili Hacıbaba Əzimov təşkil edib.
Xatırladaq ki, Dövlət Müstəqilliyimizə 43 Millət Vəkili onay verib. Hal-hazırda onların 27-i sağdır: Arif Hacılı, İsa Qəmbər, Cümşüd Nuriyev, Etibar Məmmədov, Fərəc Quliyev, Firudin Cəlilov, Füzuli Axundov, Hacıbaba Əzimov, Hicran Kərimli, İbrahim İbrahimli, İxtiyar Şirinov, İsgəndər Həmidov, Maşallah Abdullayev, Məryəm Həsənova, Mətləb Mütəllimov, Mirmahmud Fəttayev, Nəriman Həsənzadə, Ramiz Fətəliyev, Rəhim Qazıyev, Tahir Əliyev, Tahir Kərimli, Tamerlan Qarayev, Tofiq Qasımov, Sabir Rüstəmxanlı, Sülhəddin Əkbər, Vahid Əhmədov, Vaqif Novruzov.
İstiqlalçı deputatlardan Allahverdi Həsənov, Aydın Məmmədov, Bayram Bayramov, Dilarə Əliyeva, Eldar Bağırov, Ədalət Rəhimov, Əyyam Musayev, Heydər Əliyev, İsmayıl Şıxlı, Məmməd Xələfov, Mürşüd Məmmədli, Tofiq Bağırov, Şadman Hüseynov, Şahmərdan Cəfərov, Yusif Səmədoğlu, Faiq Baxşəliyev dünyasını dəyişib.
"Basta” əməkdaşının verdiyi məlumata görə tədbirdə İstiqlalçı Millət vəkillərindən İsa Qəmbər, Arif Hacılı, Məryəm Həsənova, Sülhəddin Əkbər, Mirmahmud Fəttayev, İskəndər Həmidov, Tahir Əliyev, İbrahim İbrahimli, Pənah Hüseynov və Etibar Məmmədov iştirak edirlər.
Tədbir 15:00-dan başlayıb.
Onu da, əlavə edək ki, ilk çıxışçı kimi söz Etibar Məmmədova verilib. İkinci çıxışçı Müsavat başqanı, İstiqlalçı Millət Vəkili Arif Hacılıdır.
Könül Alı, Bastainfo.com