"2003-cü ilin 15 oktyabr günü önəminə görə olmasa da mahiyyətinə görə tariximizin 28 may 1918, 18 oktyabr 1991, 15 may 1992, 7 iyun 1992 günləri ilə eyni sırada olan gündür, çünki həmin gün yenə də milli iradə, ümumxalq iradəsi təcəssüm etmişdi.”
15-16 oktyabr hadisələrini şərh edən İsa Qəmbər yazır:
"Son günlər ənənəvi olaraq 15-16 oktyabr 2003 hadisələri barədə statuslar, məqalələr, müsahibələr yayılır. O günlərin qürurunu və acısını səmimi şəkildə yaşayanlar və yaşadanlar da yazır, bu günün konyukturası ilə həmin hadisələri yüngülvari və ya ciddi təhrif edənlər də yazır, açıq-aydın yalan və böhtan yazanlar da var.
Təfərrüata varmadan iki cümlə yazmaq istəyirəm, müsavatçı və tarixçi kimi:
2003-cü ilin 15 oktyabr günü önəminə görə olmasa da mahiyyətinə görə tariximizin 28 may 1918, 18 oktyabr 1991, 15 may 1992, 7 iyun 1992 günləri ilə eyni sırada olan gündür, çünki həmin gün yenə də milli iradə, ümumxalq iradəsi təcəssüm etmişdi.
2003-cü ilin 16 oktyabr günü önəminə görə olmasa da mahiyyətinə görə tariximizin 28 aprel 1920, 20 yanvar 1990, 4 iyun 1993 günləri ilə eyni sırada olan gündür, çünki həmin gün Rusiya imperiyası yenə də xalqımızın azadlıq, müstəqillik, ləyaqət yolunda milli iradəsini boğmuş, beynəlxalq birlik isə laqeydlikdən, iradəsizlikdən və ya Azərbaycanın sərvətlərində pay sahibi olmaq acgözlüyündən Rusiyanın şantajına boyun əyərək bu cinayətə şərik olmuşdu.”
