Bu ilin əvvəlindən indiyədək dəm qazı zəhərlənməsi ilə Respublika Toksikologiya Mərkəzinə 224 xəstə gətirilib.
Bunu Mərkəzin baş həkimi Azər Maqsudov deyib.
Onun sözlərinə görə, dəm qazından zəhərlənmələr xüsusilə oktyabr ayından qeydə alınır. Bu ayın sonlarından aprelədək müraciətlər daxil olur.
A.Maqsudov bu ilin 9 ayında ümumilikdə 1605 müraciət daxil olduğunu da deyib. "823 nəfər zəhərlənmə diaqnozu ilə gətirilib. Onların arasında intihar məqsədilə və ya təsadüfən sirkə turşusu içənlər, dərmanın əlavə təsirindən zəhərlənənlər, ilan sancmaları və qaraqurd sancmaları da var. Məsələn, yay mövsümündə 82 nəfəri ilan, 10 nəfəri isə qaraqurd sancıb”,-A.Maqsudov əlavə edib. (virtualaz.org)