İsrail bir sutka müddətində özünü dünyadan təcrid edib.
Avropa.info xəbər verir ki, Yom Kipur günü münasibəti ilə ölkədəki normal fəaliyyət dayanıb, təhlükəsizlik tədbirləri gücləndirilib. Yom Kipur yaxud Hesab günü adı alan gün yəhudi dini ənənəsindən gəlir və bu gün axşamadək davam edəcək.
Bu gündə dindar yəhudilər keçən il ərzində etdiklərinin hesabatını aparır, oruc tutur, dünyəvi həzləri unutmağa çalışırlar. Gün xüsusi dualarla müşayiət olunur.
İsrail Yom Kipur münasibətilə sərhəd-keçid məntəqələrini də bağlayıb. O cümlədən İordan çayının qərb sahili və Qəzza zolağı da izolyasiya edilib. Ölkədə mağazalar, restoranlar işləmir, nəqliyyat dayanıb, radio və telekanallar yayımı dayandırıb. Aeroportlar və limanlar belə işləmir.
