Oskar mükafatı laureatı, amerikalı bəstəkar Rendi Nyuman Rusiya Prezidenti Vladimir Putinə mahnı həsr edib.
Axar.az xəbər verir ki, bu haqda məlumatı Vaşinqton Post nəşri yayıb.
Sözügedən mahnı "Putin” adlanır. Nyuman "Şahzadə və qurbağa”, "Favorit”, "Meverik", "Oyuncaqların tarixi" filmləri üzərindəki işləri ilə tanınır. Studiya albomlarını nadir hallarda buraxan Nyumanın 36 il ərzində cəmi dörd albomu çıxıb.
Rusiya prezidentinə həsr olunan mahnı Nyumanın yeni albomuna daxil edilib. Bəstəkarın sözlərinə görə, onu Putinin köynəksiz fotoları ilhamlandırıb.
Bəstəkar albomun niyə yazda deyil, oktyabr ayında çıxması ilə bağlı sualı cavablandırarkən deyib:
"Çünki ABŞ prezident seçkilərindən sonra vətəndaşlar siyasətlə yaxından maraqlanmağa başlayacaq”.