Suriya konfliktinə görə Rusiya ilə ABŞ arasında yaranan ciddi gərginlik soyuq müharibə dövründən daha təhlükəlidir.
Axar.az xəbər verir ki, bunu Almaniya Xarici İşlər naziri Frank-Valter Ştaynmayer deyib.
O bildirib ki, gərginlik uzun müddət davam edərsə, iki supergüc arasında münaqişə riski yaranması ehtimalı artır:
"Yaşanan xəyal qırıqlığı və güvənsizliyə baxmayaraq, Suriyada özbaşınalığa son vermək üçün yollar axtarmalıyıq. Rusiya və ABŞ bununla bağlı müzakirələri davam etdirməlidir. Yerli qüvvələr də Hələbdə savaşan qüvvələr üzərindəki təsirini göstərməlidir".
