Avropa Birliyi sentyabrın 18-də Krımda baş tutan Duma seçkisinin legitimliyini tanımır.
Axar.az xəbər verir ki, bunu jurnalistlərə açıqlamasında Avropa Birliyinin xarici işlər və təhlükəsizlik siyasəti üzrə ali nümayəndəsi Federika Moqerini söyləyib.
Onun sözlərinə görə, AB bundan sonra da Krımın Rusiya tərəfindən anneksiyası ilə barışmayacaq. O, AB-nin Ukraynanın ərazi bütövlüyünü dəstəklədiyini bildirib.
Qeyd edək ki, bundan öncə Rusiyada parlament seçkisi keçirilib. Parlament seçkisində Prezident Vladimir Putinin Vahid Rusiya Partiyası qalib gəlib.