Neftçalada mitinq çağırışı edən gənci iş yerindən polis idarəsinə aparıblar
Bir neçə gündür mətbuatda mitinqlərdə iştirak edən şəxslərin polis şöbələrinə aparılması,rayonlardan Bakıya gəlmək istəyən vətəndaşlara yaradılan problem,mitinq ətrafına yerləşdirilən kameralar və s. bu kimi xəbərləri izləmişdik.
Bu gün səhər saatlarında Neftçala rayonu Mirqurbanlı kənd sakini Fərəcov Elnur Hüseynqulu oğlun iş yerindən polis şöbəsinə aparıblar.Bu haqda Uluyol.info-ya Elnur Fərəcovun özü məlumat vermişdir.
"Son günlər sosial şəbəkələr üzərindən mitinq çağırışları etməyim,11 sentyabr mitinqində iştirakım səbəbindən Polis şöbəsinə aparılıram"-deyə Elnur Fərəcov vurğulamışdır.
Xatırladaq ki,Elnur Fərəcov siyasi əqidəsinə görə 2010-cü ildə də Polis şöbəsinə aparılmış və sutkalıq həbs verilmişdi.
Elnur Fərəcov AXCP-nin Neftçala rayon təşkilatının üzvüdür.