Milli Şuranın sentyabrın 11-nə təyin etdiyi mitinqlə bağlı Bakı Şəhər İcra Hakimiyyətinə müraciətinə müsbət cavab verilib.
Aksiya 11 sentyabr saat 17.00-da, "İnşaatçılar” metrostansiyasının yaxınlığındakı "Məhsul” stadionunda başlayacaq. Aksiya "Monarxiyaya son!”, "Talana son!” şuarları altında keçiriləcək.
"Hakimiyyət mitinqə razılığı maksimum ləngitdi ki, mitinq hazırlığına mane olsun”, – bu sözləri AXCP sədri Əli Kərimli özünün feysbuk səhifəsində yazıb.
"İndi mitinqə iki günümüz qalıb. Ölkədə hakimiyyətə iradı, sualı, etirazı olan hər bir şəxsi mitinqə dəvət edirik. İndi 11 sentyabr mitinqini izdihamlı keçirməklə, hakimiyyəti anti-xalq siyasətindən imtinaya, xalqla hesablaşmağa məcbur edə bilərik. 11 sentyabr mitinqi xalqın hakimiyyətə dinc, lakin kütləvi etirazını bildirməsi üçün çox mühüm bir fürsətdir. Bu imkanı dəyərləndirməliyik. Söz də, meydan da millətindir”, – Əli Kərimli bildirib.
