Hüquq müdafiəçisi Oqtay Gülalıyev siyasi məhbus Murad Ədilovla görüşüb.
Bu barədə hüquq müdafiəçisi Oqtay Gülalıyev öz "facebook" səhifəsində yazıb.
"Bu gün həbsdə olan siyasi girov, "vicdan məhbusu" Murad Adilovla görüşdük. Onu çox mübariz və pozitiv əhval ruhiyyədə gördüm. Bütün dostlara çoxlu salamları var. "Azadlıq" qəzetini əldə edib oxuya bilməsə də ölkədə baş verənləri izləyir və məlumatlıdır. Onu müdafiə edən bütün şəxslərə, eləcə də bu yaxınlarda Murad bəyi "vicdan məhbusu" kimi tanıyan Amnesty İnternational təşkilatına təşəkkürünü çatdımağımı xahiş etdi. Gəlin Murad Adilov başda olmaqla şərlənib həbs edilən bütün siyasi məhbuslara Azadlıq tələb edək! Azadlıq onların doğal haqqıdır!", - Gülalıyev qeyd edib.
Qeyd edək ki, Sabirabad rayonu Xəlfəli kənd sakini, AXCP üzvü Murad Ədilov ötən il avqustun 11-də tutulub. Lənkəran Ağır Cinayətlər Məhkəməsinin hökmü ilə narkotik vasitələrin qanunsuz dövriyyəsində təqsirləndirilən M. Ədilov 6 il müddətinə azadlıqdan məhrum edilib.
Qeyd edək ki, M. Ədilov AXCP-nin mətbuat xidmətinin rəhbəri Natiq Ədilovun qardaşıdır. AXCP, Müsavat Partiyası, həmçinin beynəlxalq təşkilatlar həbsin siyasi sifari olduğunu bəyən ediblər.
"Amnesty İnternational" təşkilatı Murad Ədilovu "vicdan məhbusu" kimi tanıyıb.