Daxili İşlər Nazirliyi itkin düşmüş Bakı şəhər sakini Elnur Hümmətovu qətlə yetirmiş şəxslərin tutulması ilə bağlı məlumat yayıb.
Nazirliyin mətbuat xidmətindən Axar.az-a verilən məlumata görə, polis və prokurorluq orqanları əməkdaşlarının Bakı şəhər sakini Elnur Hümmətovun 2013-cü il iyunun 16-da itkin düşməsi ilə əlaqədar keçirdikləri əməliyyat-axtarış tədbirləri nəticəsində onun 2013-cü ilin may ayında həmyerliləri Fuad Məmmədzadə, Elmir Alxazov, Abbas Hümmətov, Ramil Əsirov və qardaşı Elnur tərəfindən Xəzər rayonunun Qala kəndi ərazisində boğulma yolu ilə qətlə yetirilib basdırılması müəyyən edilib.
E.Hümmətovun meyiti ekskumasiya edilib, adı çəkilən şəxslər isə tutulub.
Big.az-ın əldə etdiyi məlumata görə, Elnur Hümmətov əməkdar artist Aygün Bəylərin əmisi nəvəsidir.
