Azərbaycanlılarla yaponların birgə işi – Nəticə hamını təəccübləndirdi
63 il sonra qazdılar qeyri-adi alətlər, müxtəlif heyvan sümükləri, bitki
qalıqları aşkarlandı. Qazaxda yerləşən Avey dövlət mədəniyyət
qoruğunun ərazisində, Damcılı mağarasında aparılan arxeoloji qazıntılar
zamanı 7 min il əvvəl neolit dövrünə aid alətlər tapılıb.
Yaponiyalı və yerli arxeloqların birgə işlədiyi ərazidə- Damcılı mağarasında
4 metr dərinliyində qazıntı işləri aparılarkən ərazinin qədim insan məskəni
olması bir daha təsdiqlənib. İmzalanmış memoranduma əsasən Qazax rayonu
ərazisində 5 il müddətinə arxeoloji qazıntılar davam edəcək. Tapılan
maddi-mədəniyyət nümunələrinin neolit dövrünə aid olmasının təsdiqlənməsi
üçün Yaponiya laboratoriyalarına göndəriləcək.
Bir neçə ildir Tovuzda Göytəpə, Hacıələmxanlı və digər qədim yaşayış
məskənlərində arxeoloji qazıntılar aparan yaponiyalı mütəxəssislər Tovuz və
Qazaxın yaxın olmasını və buradan tapılan alətlərin daha qədim olduğunu
düşünürlər.
Yoşihiro Nişiaki - arxeloq: "Damcılıda arxeoloji qazantılara başladıq və
buradan elmə yararlı kifayət qədər materiallar əldə etdik. Məqsədimiz
ərazinin qədim insan məskəni olmasını təsdiqləmək, bundan başqa neolitdən
əvvəlki dövrlərə aid maddi sübutlar əldə etməkdi. Qazıntılar zamanı buna nail
ola bildik”.
İlkin mərhələdə aparılan qazıntılar isə yekunlaşıb. Növbəti ildən yapon və
yerli arxeoloqlar daha geniş ərazidə tədqiqat işlərinə başlayacaqlar. (Region TV)
