Ermənistanda qısa sakitlikdən sonra xalq ayağa qalxıb.
Virtualaz.org xəbər verir ki, bu dəqiqələrdə Yerevanın Azadlıq meydanında
"Sasna Tsrer" üsyançılarının tərəfdarları kifayət qədər çox adamın toplaşdığı
mitinq keçirirlər.
Dünən girov müqabilində azadlığa çıxmış "İrs" müxalifət partiyasının sədr
müavini Armen Martirosyan deyib:
"Biz prosesi başlamışıq və mövqelərimizdən çəkilmək niyyətində deyilik.
Biz bunu etsək, Ermənistan birdəfəlik Sarkisyanın kriminal rejiminin
əlində batacaq. Biz bunu etsək, Kremlin əlaltılarının vasitəsilə vətənimizi
Rusiyaya hədiyyə edirik. Məqsədimiz dəyişməyib, indiki cinayətkar
hakimiyyətin istefasına və yeni, ədalətli və effektiv idarəçilik modelinin
formalaşmasına nail olmağa çalışacağıq".