Türkiyə Prezidenti Rəcəb Tayyib Ərdoğanın İrana gözlənilən səfəri maraqlı iddialara yol açıb.
Axar.az xəbər verir ki, İsrail kəşfiyyat xidmətlərinə yaxınlığı ilə tanınan Debka.com saytı danışıqlar zamanı yeni "Yaxın Şərq Bloku” yaradılmasının müzakirə olunacağını iddia edib:
"Ərdoğanın Putinlə görüşdən iki gün sonra İrana getmək qərarı rəsmi Ankaranın regional siyasətinin kökündən dəyişdiyini göstərir. Görüşlərdə Türkiyə, Rusiya və İrandan ibarət Yaxın Şərq Blokunun yaradılması müzakirə oluna bilər. Ayrıca, Hizbullahın Suriyadakı fəaliyyəti də danışıqlarda müzakirə olunacaq”.
Kremlə yaxınlığı ilə tanınan Katehon.com saytı da Ərdoğanın səfəri ilə bağlı maraqlı məlumat yayıb.
Xəbərə görə, böhranın həlli ilə bağlı Suriyanın da daxil olduğu dörd dövlətin vahid komissiyası yaradıla bilər.
Xatırladaq ki, Ərdoğan-Putin görüşündə Suriya məsləsinin həlli üçün komissiya yaradılması barədə razılıq əldə olunmuşdu.