Braziliyanın Rio de Janeyro şəhərində XXXI Yay Olimpiya Oyunlarının təntənəli açılış mərasimi baş tutub.
APA-nın məlumatına görə, Bakı vaxtı ilə saat 03:00-də başlanan mərasim "Marakana” stadionunda keçirilib.
XXXI Yay Olimpiya Oyunlarında Azərbaycan yığma komandası idmanın 18 növü üzrə 56 idmançı ilə təmsil olunacaq. Azərbaycan millisinin bayraqdarı boksçu Teymur Məmmədov olacaq.
Qeyd edək ki, avqustun 21-dək davam edəcək Rio de Janeyro Olimpiadasında 206 ölkəni təmsil edən 10 mindən çox idmançı 33 növ üzrə 306 dəst medal uğrunda mübarizə aparacaq.