Uluyol.info axar.az-a istinadən xəbər verir ki, bunu Türkiyə Baş Qərargahının keçmiş rəhbəri İlkər Başbuğ yerli mətbuata açıqlamasında deyib.

"15 iyul hadisələri keçmiş hərbi çevriliş olaylarına bənzəmir. Hərbi çevriliş cəhdi kimi xarakterizə edilməsinə müsbət yanaşmıram. Bu, Gülən camaatının silahlı çevriliş cəhdi idi. Türkiyə Silahlı Qüvvələrinə sızan FETÖ-çuların təkbaşına hərəkət etmədiyi bəllidir. Xaricdən bu prosesləri idarə edənlərin konkret məqsəd və hədəfləri var idi.

Çevriliş cəhdinin olacağını əsla gözləmirdim. Gülən camaatının qiyamda hərəkətverici qüvvə olmasına baxmayaraq, bu işin arxasında 3 qrupun dayandığını düşünürəm.

Birinci, bu qiyamı hazırlayan, idarə edən şəbəkə Gülən camaatıdır.

İkinci, həmin an gecikənlər, qərar verməli olduqları halda tərəddüd edənlər və nə etdiyini bilməyənlərdir.

Sonuncu, yəni 3-cü qrupda isə gülənçi olmamasına baxmayaraq, bundan istifadə etmək istəyənlər. Bundan əlavə, aldadılan hərbçilər qiyamçı kateqoriyasına aiddir. Həmin iğtişaşlarda silahdan istifadə etməyən əsgərlər isə mühakimə edilməməlidir”, - Başbuğ bildirib.