Bəşəriyyət tarixinin ən böyük nüvə faciələrindən biri olan Çernobıl hadisəsi dünyaya böyük zərər vurmaqla yanaşı, olduqca böyük bir ərazini də istifadəyə yararsız hala salıb.
30 illik aradan sonra Ukrayna hökuməti həmin ərazindən istifadə etməyin yollarını axtarır.
Nüvə faciəsindən sonra yararsız hala düşmüş ərazidən istifadə etmək qərarına gələn hökumət bu böyük ərazidə günəş elektrik stansiyaları inşa etmək istəyir.
Moderator.az xəbər verir ki, təxminən 1400 mg-lıq yenilənə bilən enerji istehsal edə biləcək bu sahədə hökumət başlanğıc üçün 1000 mg-lıq stansiya qurmağı planlaşdırır.
Ancaq Ukrayna hökuməti hələ də radiasiya mövcud olan bu regionda sözügedən layihəni həyata keçirəcək bir investor tapa bilməyib. Dünyadakı nümunələrlə müqayisədə, bitki örtüyünün zərər görməsinə baxmayaraq, ərazinin böyüklüyü və elektrik sisteminin zədələnməməsi investorlar üçün əlverişli bir vəziyyət olaraq dəyərləndirilir.
Bölgəyə ilk dəstək isə Avropa İnvestisiya və İnkişaf Bankı tərəfindən verilib. Bank müvəqqəti də olsa 500 milyon dollarlıq sərmayəyə qarant olaraq imza atıb. Ancaq təəssüf ki, hələ də layihəni həyata keçirmək üçün yetərli dəstək alınmayıb.