"Borçalı" İctimai Cəmiyyətinin sədri Zəlimxan Məmmədlinin Gürcüstana girişinə qoyulan qadağa ilə bağlı MTN naziri Mədət Quliyevlə görüşüb.Bu barədə ULUYOL.İNFOya cəmiyyətin mətbuat xidmətindən məlumat verilib.
"Azərbaycan Respublikasının Milli Təhlükəsizlik Naziri əvəzi cənab Mədət Quliyev "Borçalı" İctimai Cəmiyyətinin sədri Zəlimxan Məmmədlini bu gün qəbul etmişdir. Görüş Zəlimxan Məmmədlinin Gürcüstana girişinə qoyulan yasaq qərarı və bu qərarın qəbulunda Azərbaycan əlinin olması haqqında qeyri dəqiq məlumatlar və milli təhlükəsizliyimizlə bağlı digər məsələlərin aydınlaşdırılması xahişi ilə rəsmi müraciətindən sonra baş tutmuşdur. Qaldırılan problemlərlə bağlı Nazir operativ olaraq müvafiq strukturlara tapşırıqlar vermişdir. Zəlimxan Məmmədli bildirdi ki, cənab Nazir məni çox səmimi qəbul etdi və dinlədi. Qaldırılan məsələlərə anlayışla yanaşdı.
MTN-nin əvvəlki rəhbərliyində təmsil olan insanların məsuliyyətsizliyi ucbatından yaranmış problemlərin, o cümlədən mənim haqqımda Gürcüstana giriş yasağı qərarının araşdırılması və hüququmun təmin olunası istiqamətində səlahiyyətləri çərçivəsində araşdırma aparıb, müvafiq addımlar atılacağını bildirdi. Cənab Nazir əvəzinin bu operativliyi və səmimiliyi deməyə əsas verdi ki, Milli Təhlükəsizlik orqanlarının son dövrlər zədələnmiş nüfuzu ən yaxın zamanda tam bərpa oluna bilər."deyə məlumatda bildirilir.
Elvin IBRAHIM
ULUYOL.İNFO
