İspaniyanın El Confidencia nəşri Qazaxıstan prezidenti Nazarbayevin ailəsi ilə bağlı araşdırma dərc edib. Yazıda prezidentin nəvəsi Nurali Əliyevin bu ölkədəki yaxtasından da söhbət açılıb.

"Panama sənədlərin”dən məlumdur ki, Nurali Əliyevin 24 metrlik yaxtası 2008-ci ildə 1,8 mln avroya alınıb. N.Əliyevin yaxtası onun sifarişi ilə Fars körfəzinə göndərilib. Yaxta yolda ciddi zədə aldığından sahibi əlavə 500 min avro da ödəməli olub. Bununla belə o yaxtadan istifadə edə bilməyib. Çenki ödənişlər vaxtında edilməyib və müqavilə pozulub.

Nazarbayevin nəvəsinin İspaniyaya həvəsli olması təsadüfi deyil.

Jurnalist araşdırmaları ilə məşğul olan Racó Catalá nəşrinin əməkdaşı Fransesk Pons bildirib ki, Qazaxıstan prezidentinin İspaniyanın keçmiş kralı I Xuan Karlosla dostluq münasibəti və bu ölkə ilə xeyli əlaqələri var.

Jurnalist danışıb ki, İspaniyanın şimal-şərgində, Lyoret-de –Mar şəhərində dənizin sahilində 18 hektar ərazidə Can Juncadella mülkü yerləşir. Son vaxtlara qədər bu mülki Nazarbayevin ailəsinə məxsus olduğu deyilirdi.

2013-cü ildə mülkin ərazisində yeni binanın tikintisi ilə bağlı qalmaqal olub. Yerli ekoloqlar qoruq zonasında binanın tikintisinin qanunsuz olduğunu iddia edirdi. İşə baxılan zaman Lyoret-de–Mar şəhərinin hakimi mülkin şəxsən Qazaxıstan prezidenti Nursultan Nazarbayevə məxsus olduğunu deyib.

azadliq.info