Hərbi çevriliş cəhdi ilə bağlı aparılan istintaq çərçivəsində Türkiyə Səhiyyə nazirliyinin 5 min əməkdaşı vəzifəsindən kənarlaşdırılıb.
APA-nın verdiyi məlumata görə, bunu Türkiyənin Səhiyyə naziri Rəcəb Akdaq bəyan edib.
"Hazırda mənim şəxsi iştirakım ilə nazirlikdə xüsusi komissiya işini davam etdirir. İndiyədək nazirliyin 5 min əməkdaşı vəzifəsindən kənarlaşdırılıb”, deyə R.Akdaq bildirib.
Qeyd edək ki, iyulun 15-də Türkiyədə dövlət çevrilişinə uğursuz cəhd baş verib.
