Türkiyədə təhsil almış azərbaycanlı rejissor şəhidlərin xatirəsinə qısametrajlı film çəkdi.
"Shine və Zoom" prodakşının dəstəyi ilə Türkiyədə rejissorluq təhsili alan araşdırmaçı-yazar Zaur Tahirsoy şəhidlərin xatirəsinə qısametrajlı film çəkib.
"Hədiyyə” adlı bu film özündə milli mənəvi dəyərləri, Azərbaycan tarixində qadın qəhrəmanlığını və ailə dəyərlərini əks etdirir. Bu barədə Zaur Tahirsoy Xeberman.com sayta müsahibəsində bildirib .
- " Belə bir filmin ərsəyə gəlməsində ilk öncə Shine prodakşının direktoru Ramil Qocaya və filmin produsseri Nigar Şamilova və Fuad Nəzərliyə öz təşəkkürümü bildirirəm. Zeynəb Kəngərli və Nurlan Rüstəmov rollarını peşəkarlıqla canlandırdılar. Təbii ki, döyüş səhnəsinin gözəlliyi onun qrimindədir və bunun öhtəsindən Qrim ustası Nəcibə Məmmədova məharətlə gəlib. Onu da qeyd edim ki, mükəmməl iş üçün profesional komanda işi zəruridir və bu film də gözəl komanda işinin nəticəsidir.Məhz bu səbəbdən baxımlı və təsirli film olacağına inanıram.
Qeyd edək ki, iyul ayının 24-ü Royal Hoteldə filmin təqdimatı həyata keçiriləcək.Təqdimatda iştirak etmək istəyənlər aşağıdaki linkə tıklamaqla formu doldurub iştirak edə bilərlər.
