Bu gün Qulu Məhərrəmlinin "Jurnalistika terminləri lüğəti" kitabının təqdimatı
keçirilib. Tədbirdə media ictimaiyyəti, elm adamları və bir çox tanınmış
redaktorlar iştirak edib.
Professor Şirməmməd Hüseynov, Turan informasiya agentliyinin rəhbəri Mehman
Əliyev, "Yeni Nəsil" Jurnalistlər Birliyinin sədri Arif Əliyev, nəşrini dayandıran "Ayna"
qəzetindən Elçin Şıxlı, Qanun nəşriyyatının rəhbəri Şahbaz Xuduoğlu, "Yeni Müsavat"
qəzetinin baş redaktoru Rauf Arifoğlu, "525-ci qəzet"in baş redaktoru Rəşad
Məcid, Azərbaycan İnternet Forumunun prezidenti Osman Gündüz və digərləri də
tədbirdə iştirak edərək müəllifi təbrik ediblər.
Lüğəti tədbir iştirakçılarına təqdim edən kitabın redaktoru, "Yeni Nəsil" Jurnalistlər
Birliyinin Arif Əliyev bildirdi ki, jurnlistikada həm kadr potensialı, həm də dil məsələləri
ilə bağlı problem var: "Biz bu lüğətdə bütün beynəlxalq elm mərkəzlərinin
ədəbiyyatlarını nəzərə almışıq. Burada təkcə, media ilə bağlı terminlər yox, XX əsrin
sonu, XXI əsrin əvvəllərində yaranan ictimai-siyasi sahədə işlədilən bir çox
terminləri daxil etmişik. Bizim məqsədimiz bu sahədə çalışan müəllimlərə, tələbələrə,
həmkarlarınıza müəyyən qədər kömək etməkdir".
Tədbirdə həmçinin lüğətin azleks.az saytındakı onlayn versiyası da təqdim
edilib və saytın iş prinsipləri iştirakçılara izah olunub.
Qulu Məhərrəmli kitabın onlayn versiyasının mütəmadi olaraq yenilənəcəyini də qeyd
edib və bu istiqamətlərdə təklif və iradlara açıq olduqlarını bildirib.
Professor Şirməmməd Hüseynov jurnalistikanın peşə olmaqla yanaşı həm də bir
elm olduğunu bildirdi və bu sahədə araşdırmalar aparılmasının vacibliyini vurğuladı.
