Bu gün axşam saat 10 radələrində Bakıda, dənizkənarı bulvarda Türkiyəyə
dəstək aksiyası keçirilib. Musavat.com-un məlumatına görə, aksiyada
Türkiyənin istiqlal marşı, milli mahnıları ifa olunub.
Hər kəsin əlində Türkiyə və Azərbaycan bayraqları var. Aksiyaçılar eyni
zamanda "Şəhidlər ölməz, vətən bölünməz" və digər bu kimi şüarlar
səsləndiriblər.
Rəyi soruşulanlar - uşaqdan böyüyə hər kəs Türkiyənin yanında olduğunu bildirib.
Xatırladaq ki, dünən gecə Türkiyədə bir qrup hərbçi dövlət çevrilişinə cəhd
edib, 200 nəfərə yaxın ölən, 1450 yaralanan var. 3 minə yaxın hərbçi və
bir o qədər də başqa peşə sahibləri həbs olunub.
