Atatürk hava limanı ölkə xaricindən sərnişin təyyarələri qəbul etməyi bərpa edib.
Bu barədə hazırda İstanbulda olan əməkdaşımız xəbər verib. Onun sözlərinə görə,
bu gün axşam saatlarında hava limanına iri tutumlu, dörd motorlu təyyarə enib.
Qeyd edək ki, dünən gecə baş verən hərbi çevriliş cəhdindən sonra Atatürk hava
limanı xarici reyslərini təxirə salmışdı. Bu üzdən İstanbula gəlmək və İstanbuldan
getmək istəyən minlərlə sərnişin həm İstanbulda, həm də başqa şəhərlərdəki
hava limanlarında intizarda qalmışdılar.
Təxminən 22 saat idi ki, Atatürk hava limanına yalnız THY və Türkiyənin özəl hava
şirkətlərinin təyyarələri enirdi.
(musavat.com)
