Andrey Şevçenko Ukrayna milli komandasını çalışdıracaq.
Ukrayna Futbol Federasiyasından verilən məlumata görə, milli komandanın başına gətirilən Andrey Şevçenko ilə 2 + 2 illik razılaşma təmin edilib.
Musavat.com xəbər verir ki, 39 yaşlı Şevçenkonun köməkçiləri italyan Mauro Tassotti, Andrea Maldera və ispan Raul Riançonun olacaq.
Andrey Şevçenko, 2016 Avropa Futbol Çempionatında Ukraynanın baş məşqçisi Mikhailo Fomenkonun köməkçisi idi.
Futbolçu karyerasında "Dinamo Kiyev", "Milan", "Chelsea"da forma geyən, ancaq ilk dəfə baş məşqçi təcrübəsi yaşayacaq əfsanə futbolçu Şevçenko, Ukrayna milli formasıyla 111 matçda 48 qol vurmuşdu.
