Müsavat Partiyasının başqanı Arif Hacılı Ramazan bayramı münasibəti ilə Azərbaycan xalqını təbrik edib.
Təbrikdə deyilir:
"Əziz həmvətənlər!
Sizi Ramazan bayramı münasibəti ilə təbrik edir, Sizə can sağlığı, uzun ömür, işlərinizdə uğurlar arzulayıram.
Ramazan ayı Müqəddəs Qurani-Kərimin nazil olduğu, müsəlman dünyasının ən müqəddəs aylarından biridir. İnanclı insanlar Ramazan ayını həmişə səbirsizliklə gözləyir, xoş niyyətlərlə tanrıya dua edir, ibadətlə məşğul olurlar.
Ramazan ayında oruc tutan, Allaha dua edən inanclı insanların dualarını Allahın dərgahında qəbul olunsun.
Xalqımızın tanrıdan diləyi sülh, əminamanlıq, ərazilərimizin işğaldan azad edilməsi, qaçqın və köçkünlərimizin öz ata – baba yurdlarına qayıtması, ölkəmizin azadlığı və firavanlığıdır.
Ramazan ayında ölkəmiz və xalqımiz üçün etdiyimiz duaların Allahın dərgahında qəbul olunacağına, azad, firavan gələcəyimiz naminə əzmkarlığımızı daha da artıracağımıza inanıram.
Bir daha bütün xalqımızı müqəddəs Ramazan bayramı münasibəti ilə təbrik edir, Sizə şəxsi həyatınızda xoşbəxtlik, işlərinizdə uğurlar arzulayıram.
Tanrı yardımçımız olsun!”