VHP Daşkəsən rayon təşkilatının sədri Nəsimi Qafarov 15 sutka inzibati həbs cəzasına məhkum edilib. Bu barədə partiyanın icra aparatının rəhbəri Samir Əsədli məlumat paylaşıb.
Məlumatda deyilir ki, ötən həftə Ombudsman rayona gələrkən İcra Hakimiyyətinin nümayəndələri onunla görüşmək istəyən vətəndaşları aldadaraq, bir otağa yığıblar və görüşə imkan verməyiblər. Nəsimi Qafarov isə buna öz etirazını bildirdirərək şikayətçilərin görüşə buraxılmasını tələb edib və məsələni mətbuata ötürüb.
Dünən gecə Rayon Polis Şöbəsinin əməkdaşları onu saxlayaraq, barəsində saxta iltizam işi açıblar. Məhkəməyə çıxarılan N.Qafarova guya rayon polis şöbəsi rəisinin avtomobilini təhlükəli şəkildə ötdüyü iddiası ilə 15 sutka həbs cəzası verilib. Nəsimi Qafarov polisdə fikiki işgəncələrə məruz qalıb, onu döyüblər. Maşını da əlindən alınıb və geri qaytarılmır.
