Xəbər verdiyimiz kimi bu günlərdə Müsavat Partiyası Avropa Koordinasiya Mərkəzi Almaniyada rəsmi qeydiyyatdan keçib. Bu qurum Avropada rəsmi olaraq "Musavat Europa AKM” adı altında fəaliyyət göstərəcək. Bu barədə Müsavat başqanı Arif Hacılı da, öz facebook səhifəsində yazıb.
Arif Hacılı yazır:
"Müsavatçıların yaratdığı Müsavat Avropa Koordinasiya Mərkəzi təşkilatı Avropada qeydiyyatdan keçib.
Avropanın bir çox ölkələrində yaşayan müsavatçıları birləşdirən bu təşkilatın qurulması işi xeyli müddət davam edib, yəqin ki, təşkilatlanma işi bundan sonra da davam edəcək. Avropada yaşayan hər bir müsavatçı bu təşkilatın üzvü olacaq.
Bu gün Azərbaycanın inkişafı, ərazi bütövlüyü, firavanlığı uğrunda mübarizə yalnız ölkə daxilində getmir. Bu mübarizəni aparmaq üçün qloballaşan dünyanın hər yerində, o cümlədən Avropada da geniş imkanlar var.
Əminəm ki, AKM bu imkanlardan yararlanaraq Azərbaycanın inkişaf tarixinə öz möhürünü vuran təşkilatlardan biri olacaq.
AKM in rəsmi qetdiyyatdan keçməsi münasibəti ilə bu təşkilatın üzvlərini, bütün müsavatçıları, Azərbaycanın azad gələcəyi barədə düşünən hər kəsi təbrik edirəm.”