ABŞ-ın CİA Mərkəzi Kəşfiyyat İdarəsinin rəhbəri John Brennan hesab edir ki, 11 sentyabr terror aktları ilə bağlı Konqresin birgə hesabatından çıxarılmış məxfi məlumatların dərc edilməsi terrorçuların Səudiyyə Ərəbistanı ilə güman edilən əlaqəsi barədə şübhələrə son qoyacaq.
2002-ci ildə həmin hesabatdan 28 səhifənin çıxarılıb onlara məxfilik statusunun verilməsi, çoxusu Səudiyyə Ərəbistanından olan hücum edənlərin ölkə rəsmilərinin dəstəyindən faydalandığı barədə söz-söhbətlərə əsas vermişdi.
Bəzi amerikalılar Səudiyyə Ərəbistanına qarşı məhkəmə iddiasının qaldırılmasında təkid edirlər.
Həmin amerikalıların məqsədi 11 sentyabr hücumları nəticəsində onlara dəymiş zərərin ödənilməsinə nail olmaqdır.
Lakin CİA başçısı iddia edib ki, hesabatın tam mətni Səudiyyə höküməti və ya ayrı-ayrı hökümət üzvlərilə terrorçular arasında heç bir əlaqənin olmadığını təsdiqləyir.
Gözlənildiyinə görə, hesabatın tam mətnini dərc etmək barədə qərar bu il qəbul oluna bilər(BBC).