Türkiyə prezidenti Rəcəb Tayyib Ərdoğan Türkiyə Böyük Millət Məclisi millət vəkili toxunulmazlığının ləğvi haqqında qanunu təsdiqləyib.
Bu barədə Türkiyə Prezidenti Administrasiyasının məlumatında bildirilir.
Qeyd edək ki, qanun Türkiyə parlamenti tərəfindən mayda qəbul olunub. Qeyd edək ki, Türkiyədə prokurorluq orqanları tərəfindən, əksəriyyəti kürdyönümlü Xalqların Demokratiya Partiyası (HDP) və Cümhuriyyət Xalq Partiyasının (CHP) təmsilçisi olan 138 millət vəkili barəsində cinayət işi başlanıb. Lakin deputat toxunulmazlığı ilə əlaqədar prokurorlar bu işlər üzrə istintaq apara bilmirdi. Bundan sonra həmin millət vəkillərinin istintaqa çağırılması, dindirilməsi, saxlanılması, məhkəmə önünə çıxarılması və barələrində həbs qərarı verilməsi mümkün olacaq. (APA)
