46 yaşlı Pakistanlı Sərdar Muhəmməd Khilci 100 övlad atası olmağı qarşısına məqsəd qoyub.
Musavat.com "Asia One”-a istinadən xəbər verir ki, bunun üçün o, dördüncü dəfə evlənməyi planlaşdırır. Hazırda kişinin üç arvaddan 35 uşağı var.
Sərdar bildirib ki, o, ilk dəfə 26 yaşında evlənib, ancaq onun 27 yaşı tamam olanda aralarında beş ay fasilə olmaqla yenidən iki dəfə ailə həyatı qurub. Hazırda onun 14 oğlu və 21 qızı var. Böyük ailə beş otağlı evdə yaşayır.
Pakistanlı iddia edir ki, övlad dünyaya gətirmək onun dini vəzifəsidir. Onun 13 yaşlı oğlu böyüyəndə atasının rekordunu təzələməyi planlaşdırır.