İstiqlalçı millət vəkili, MSDM-in üzvü İsgəndər Həmidov Almaniya Bundestaqının qondarma erməni soyqırımı barədə ötən gün qəbul etdiyi qərarı sərt tənqid edib.
"Basta” əməkdaşı ilə söhbətində İsgəndər Həmidov deyib ki, sənəddə öz əksini tapan "Erməni və digər xristian etniklərin soyqırımı” ifadəsi uydurma olmaqla bərabər, həm də xristian təsübkeşliyindən irəli gəlir. "Bundestaqının bu qərarı sırf dini ayrı-seçkilikdən irəli gələn bir qərardır. İkinci dünya müharibəsi illərində təkcə Azərbaycandan 380 min insan həlak olub. Dünyada on milyonlarla insan bu müharibənin qurbanı olub. 2-ci dünya müharibəsi illərində xristian etniklərin də, yahudilərin də, müsəlmanların soyqırımına Almaniya rəvac verib. Bundestaq heç bir əsas olmadan Türkiyəyə şərəfsiz böhtan atır”.
