Salonikidə keçirilən "Aristotel-2400” adlı konfransda yunan arxeoloqları Aristotelon məzarını aşkarladığını deyiblər. Onlar bildirib ki, yunan filosofunun məzarını 20 illik qazıntılardan sonra aşkarlamaq mümkün olub.
Arxeoloqlar Aristotelin məzarının Xalkidiki yarımadasında, Olimpiada kəndi yaxınlığında yerləşdiyini qeyd ediblər. Qəbir Staqir şəhərinin kənarında Aristotelin doğulduğu yerdə aşkarlanıb.
Yunan arxeoloqu Kostas Sismandis bildirib ki, onlar qədim yazılarda qeyd edilən məzarı tapıb. Məzara aparan yol Aqora şəhərinin ətrafında yerləşir.
Qədim yunan filosofu Aristotel e.ə. 322-ci ildə vəfat edib. O, Platonun şagirdi və Makedoniyalı İsgəndərin müəllimi olub.
