Vəhdət Partiyası qapalı qurultay keçirərək Tahir Kərimlinin yenidən qurumun rəhbəri seçib. Qurultay barədə danışan Tahir Kərimli bildirib ki, partiyadaşları ondan partiyaya dayaq olmağı istəyiblər və deyiblər ki, əgər o, yenidən partiyanın sədri olmasa Vəhdət Partiyası Müsavat Partiyası kimi dağılacaq.
Müsavat Partiyasının təşkilat şöbəsinin müdiri, Divan üzvü Razim Əmiraslanov isə moderator.az-a açıqlamasında bildirdi ki, Tahir Kərimli uğursuz zarafat edib:
"Tahir Kərimli çox uğursuz bir zarafat edib. Açığı, adam özünü o qədər gülünc bir vəziyyətə gətirib çıxarıb ki, onun dediklərinə belə şərh veməyin özü mənasız bir şeydi. Tahir Kərimlinin rəhbərlik elədiyi partiyanın gücü Müsavat Partiyası Səbail rayon təşkilatının bir özəyinin gücü qədər deyil. Ona görə də onun sözləri həqiqətdən çox uzaqdır”.