Milli Strateji Düşüncə Mərkəzinin rəhbəri İsa Qəmbər facebook səhifəsində dünyada baş verənləri şərh etdi."Uluyol.info"statusu oxuculara təqdim edir:
İnsanın yaşamaq haqqı - ən önəmli azadlıq!
Mən özüm düşünürəm ki, bütün tarix boyu bəşəriyyətin və ayrı-ayrı toplumların inkişaf səviyyəsinin ən önəmli göstəricilərindən biri fiziki əməklə və intellektual əməklə məşğul olanların nisbətidir, yəni intellektual əmək hesabına yaşayanların faizi dünyanın və ayrı-ayrı ölkələrin inkişaf səviyyəsini çox aydın şəkildə göstərir.
Amma, məncə, hamımız bilirik və hamımız razılaşmalıylq ki, bəşəriyyətin inkişafının ən üstün göstəricisi insan həyatına, insanın yaşamaq hüququna münasibətdir. Biz bəşər övladı olaraq, insan həyatının hətta bir mamontun ətinin bir tikəsi qədər qiymətləndirilmədiyi ibtidai icma dövründən – demokratik ölkələrdə insan həyatının hətta dövlət marağından üstün qiymətləndirildiyi bu günə kimi nəhəng bir yol keçmişik. Tarix boyu böyük mütəfəkkirlər insanın toxunulmazlığı, bir insan həyatının hər cür müharibə səbəblərindən önəmli olması kimi humanist fikirlər yayıblar. Demək olar ki, bütün dinlər (ən azı əsaslı səbəb olmadan) "insanı öldürmə” deyiblər.
Adətən facebook’da fikirlərimi qısa yazmağa çalışıram. Bu dəfə bir az geniş alındısa, qüsura baxmayın. Demək istədiyim budur ki, dünyada baş verən hadisələri, beynəlxaq prosesləri təhlil edərkən, müharibə, hərbi münaqişə, terror olaylarını qiymətləndirərkən, həm də bu hadisə və prosesləri, o cümlədən terroru qiymətləndirənləri qiymətləndirərkən bu amili diqqətdə saxlayın:
Ən üstün dəyər insan həyatıdır. Insan həyatını öz çılız maraqlarına qurban verənlər güclü, qətiyyətli görünə bilərlər. Amma uğur da, inkişaf da, gələcək də insanın yaşamaq haqqını ən ali hüquq sayanlarındır."
ULUYOL.İNFO
